الودع قال ايه
قال كل ايلى بتحلمى بيه قدامى
بس ردى علي اه أو لا
رديت قلتلها ماشى
قالتلى بتحبى ياحلوه
قلتلها صح
قالتلى حبيبك مااحلاه
قلتلها صح
بس ياعينى عليه. مغلوب على أمره
قلتلها ليه
بالهم مكتوب عليه
وبنات كتير حواليه بنات الخال بنات العم
كلهم هايموتوا عليه
وهايعملوا اى شئ عشان يفرقوكم عن بعضكم
بس متخفيش
هاعملك شئ خليه معاكى واوعى تفرطى فيه
ولاحد يشوفه معاكى جوا ثيابك احتفظى بيه
ادينى اسمك واسم الوالده
واسم حبيبك
قالتلى حبيبك اسمه ايه
سكت عنها
قالتلى ردى عليا
حبيبك اسمه ايه
قلتلها والله ماعندى حبيب
حبيبى عند رب العالمين موجود
طلعت كدابه
بس هانعمل ايه
بالخرافات نعتقد وندفع كل ايلى نقدر عليه
ومع ربنا مقصرين
وبالقرأن مش مهتمين
بقلم
ابتسام محمود على
ليست هناك تعليقات:
إرسال تعليق