...(( واخد علي خاطرك )).....
ليه يا شاغلني.....
واخد علي خاطرك مني
من غير ما تكلمني
أو تعاتبني
أو حتي تسمع مني.......
تاخدني من ورا قلبك
و أنا بتمني قربك
تنسي قلب حبك
و تأسي عليه و تظلمني.....
لا تقولي إيه زعلك ..
و لا مين عني بَعَدَك
و أنا من يوم ما عرفتك
بَقَدَرَك و شايلك
بين العين و النني.....
تقفل وراك الباب
من غير ملام
أو حتي كلمة عتاب
دا إنت ليا أعز أحباب
ليه في هواك تعذبني....؟؟؟
أنا قلبي متعلق بيك
بين أنين و حنين و أشواق
و ليل نهار يسألني عليك
من لهفته.... من لوعته
علي لحظة عناق
ليه إخترت الفراق
وليه عليك تشغلني .....؟؟؟
إفتحلي قلبك و صارحني
بعادك عني... جارحني
حرام عليك تدبحني
إحكيلي ..إشكيلي.. عاتبني
و لو كنت غلطان
ياريتك من قلبك تسامحني ....
د/عمر عبد الجواد عبد العزيز
ليست هناك تعليقات:
إرسال تعليق