................................مسحراتي...............................
مسحراتي منقراتي
في البلاد رحال
وانا يوماتي عمال اهاتي
وشايل الاحمال
الاعمى حاتي بيقول ساعاتي
والنصب أصبح عال
وبوحي نادى أنين سكاتي
لقيتني عبد العال
جرى ايه ياريا نجمك ثريا
ردت سكينا الظلم طال
عملت ناسي شربت كاسي
ردت حماتي فجرك محال
رمضان أتانا بالخير دعانا
ماتغيرت الاحوال
ناديت ياصبري مكتوب وقدري
بعد الصيام شوال
يللي انت ناوي كسرقهاوي
اخلع قيود وعقال
ولا انت غاوي شغل وحكاوي
عمال على بطال
سطر تاريخك عطرضريحك
لظلام دنانا هلال
العمر سانح والوقت بارح
الحق قبيل زوال
يللي انت رايح كتر فضايح
عينك على البدال
ياعهر فايح خورك روايح
ياعبيط عامل متقال
افهم لغاتي يا مغنواتي
حمارنا صار جمال
في السلطانية يامهلبية
اللف صنعه رجال
جانا زمانك يا جندرية
اتحزمي يامنال
فارس همام ببساوي ميه
صوته زئير جوال
قوالبنا نامت نصاصنا قامت
قالولنا في الأمثال
اسأل مجرب تعالى قرب
أوعاك من الطبال
ركبت كرسي ياواد يامرسي
قام حطك الحوال
كتبت أمسي حفرت رمسي
الحزن صار موال
وانا من حنيني نطق أنيني
ومن دمايا زلال
رمضان أتانا بالنور حوانا
وسع حدانا خيال
بنهار صيامنا وبليل قيامنا
شجره عروش و ظلال
ابليس تأبلس باللين تلبس
مركوب عمل خيال
بيقول ياسوسو خدي فلوسو
جاب الاجابة سؤال
عمال يخطط رقاق يبطط
في الرقص ذي نوال
وكله ماشي في توب غباشي
ران القلوب باقفال
اسمع يامجدي ضيعت مجدي
ومن المهانة جبال
الكل جاسي من نار يقاسي
عايشين على المنوال
الدنيا زحمة ماعدش رحمة
قلبوا حرامنا حلال
الحق هدى لما تحدى
رفع راياته سجال
قالوا المودة يفنيها هدة
وهلاكنا في التجوال
الجأ لدارك يحميك جدارك
ذكر الاله اجلال
اسمع ياصاحي صرخة نواحي
هنعاين اللي اتقال
منعت عراقنا والشام لحقنا
ترس الزمان نقال
الدورعليكي يللي شاريكي
أردبك المثقال
ياقدرنا دون يارب هون
غرق يمينا شمال
سمعني صوتك من قبل فوتك
لا تشمت العزال
جرى ايه ياليلى تعالي ليلة
ارحم قتيل ياغزال
حرام عليكي يكفي محايلة
ماغبت يوم عن بال
وانا من غرامي وهجر دامي
حفرت بدموعي قنال
آخر كلامي رمضان ياسامي
شقيقه ف أصالة جمال
محمود عبد الخالق عطيه المحامي
ليست هناك تعليقات:
إرسال تعليق