فساد هذا القاضى ماهو إلا فرد إنحرف
عن المسار الصحيح
مع كامل إحترامي للقضاء المصري
القاتل قاضي ( للشاعر يوسف الحمله )
ايه شعورك
لما تخلـع توب العدالة
وتـلبـس تــوب الـقـاتل
ايه شعورك
لما تقف جــوا القفص
وانت مكبـل بالسلاسل
ايه شعورك
رد علىَ ياحضرة القاضي
إنت بفعلك الشين راضي
ولا ضمـيرك بـره الشيش
ولا مش هـمـك عشماوي
مازيك تاجر فـ الحشيش
وزيك كان واخد رشاوى
ولو فتحنا المطبـخ والله
لا نلـقـاه مـعـبي بـالبلاوي
هـــو ده تـوب العدالة
ولا ده تــوب السـفـالة
يا لي ع الخلق بتتعالا
سيبت ايه للغبي حصاوي
بعت تــوب العدل ليه
بعته بكام قولي يابيه
لما خليفة الله ع الأرض
يطلع قاااتل هنعمل ايه
هـي الزرعه كانت شـوك
ولا الغش صـاب التقاوي
مـش إنت سـنـد الغـلابة
وخـط دفاع ضد الديابة
ولا انتوا بتضحكوا علينا
وكلامكم ده مجرد غناوي
يا خساره يا سند الغلابة
لـمـا تـبـقـى مــن الـديابة
وتقتل الـقدوة في عنينا
وتفرض بينا قانون الغابة
ونرجع لورا ملايين الخطاوي
القاتل قاضي
بقلم شاعر الحدث
الشاعر يوسف الحمله
8/5/2017
ليست هناك تعليقات:
إرسال تعليق