(القدس )
لما يكون كل الكلام عنك حكم
وأما أسمع من عشاقك أجمل نغم
وأما اقولك إرجعى لى من عدم
يبقا فانى وجودى فيك يا حرم
الحكايه إنى جاهل بالعروبه
والحكام إلى فى الصورة مقلوبه
والجامعه العربيه إلى مشطوبه
والأمم إلى من قيادتها معدومه
فى بلاد العرب الكل متدارى
إلى غايب عن الحقيقة وإلى مش دارى
وإلى رافض الواقع وعلى نفسه جانى
وإلى وجوده فى الحياه مش إختيارى
لما يكون كل الكلام عنك حكم
وأما أسمع من عشاقك أجمل نغم
وأما اقولك إرجعى لى من عدم
يبقا فانى وجودى فيك يا حرم
يا شعب عاشق ترابه وخدامه
فى ناس فيك اليأس إتملك منها
لمآ حد يشوف القدس فى منامه
يقوم مفزوع النفس مين يساومها
مين بيحرق بإيده الإنسانية
مين بينزع البراءة من الأطفال
مين بينادى بالسلام وفاكرها تكية
مين إلى قادر يخون العهد والرعية
لما إيدى تتكتف بالسلاسل
ونار جوايا مولعه
فين يا عرب الحلول والبدايل
إسرائيل على حكامنا متدلعه
الأطفال فى فلسطين بتشيل السلاح
ودا لا يمكن يكون إرهاب
دى رحلة معاناه وحكاية كفاح
كل طفل فى بلادى شايل سلاح
العرب خلاص قربت نهايتهم
فى ناس الخيانة مزروعه فى قلوبهم
والحقد على أوطانهم أصبح لعبتهم
والشيطان حاكمهم وهو سيدهم
محمد شفيق مرعى
9/5/2017
ليست هناك تعليقات:
إرسال تعليق