داري الدموع يا عين
خبي الألم جواكي
فين الحبايب فين
فين الي كانوا معاكي
ويقولوا مافي يوم تبكي
وروحنا فداكي
أنا الي شلت سنين
من همهم بالكيل
خدوا كل حاجة مني
وسابولي هد الحيل
وإن جيت أميل عليهم
القاني وحدي بميل
يا دمع عين الاحبة
غالي عليا يا غالي
ذكرانا ود ومحبة
وأيام كتير وليالي
كنا هنا قاعدين
والضحكة م القلب فين
كنا هنا ياسنين
والي فرقنا مين
بيني وبينكم مساكن
وبيوت حيطانها البعاد
وفرقتنا المشاكل
وذاد فراقنا العناد
وأقول يا دنيا كفاية
ألقاها فيا تزيد
داري الدموع يا عين
خبي الألم جواكي
عمر الاسية في يوم
ما تكون دفا وسلام
جايلك يا ظالم يوم
تفضل وحيد ندمان
وتنادي ع الصحبة
والأهل والخلان
ترد عليك دمعة
نزلت بسببك زمان
بقلمي/ أمل التابعي الشاعرة
ليست هناك تعليقات:
إرسال تعليق