"" لا أتمنى الموت ""
أنا مهما كنت
زعلان أو مبسوط
عمري ما أتمني الموت
صحيح لما أموت
هقابل رب كريم
أرحم مني عليا
ورحمته لا بواسطة
ولا حتي شروط
غير شفاعة نبينا محمد
يسقينه بيده النقية
شربة هنية
من حوضه المورود
بعديها ما نعطش أبداََ
وعلي حوضه
لاحاسد ولا حقود
في حياة لا فيها شقي
ولا فيها موت
ده غير آيه قريتها
ولقمة عطيتها
لجائع تنجيه م الموت
وغير لما أموت
هقابل ناس كتير أحباب
أمي و أبويا
وخالي و أخويا
واقفين علي الأعتاب
طال إنتظارهم
و طال مني الغياب
ده غير كتير أصحاب
و حشوني بلمتهم
ووحشتني محبتهم
و مقابلتهم علي الباب
لكن مهما كانت الأسباب
عمري ما أتمني الموت
ركعة واحدة أركعها
و آية واحدة أقرأها
فيها كتير حسنات
أوصيام يوم واحد
فيه زيادة درجات
ليه بقي أتمني الموت ؟؟
فتمني الموت
فيه وأعوذ بالله
يأس و قنوط....
فمهما كنت زعلان
أو مبسوط
عمري ما أتمني الموت......
د/عمر عبد الجواد عبد العزيز
ليست هناك تعليقات:
إرسال تعليق