مش بالساهل
يعنى ايه كده بالساهل
عاوزه تنسحبى من حياتى
ولا بتحفرى قبر لمماتى
يعنى قصدك نصبح بعاد
وينقطع بينا حبل الوداد
طب قولى اشكى لمين
ومين يمسح دموع العين
طب لو خلاص هنفترق
ازاى يعنى ممكن اشوفك
وازاى اسمع تانى حروفك
يعنى ايه هتحرمينى منك
اكمنى قلبى داب فى حبك
طب ليه قلبك يعنى ظالم
انا قلبى ليه رب بيه عالم
طب لما يجى طيفك ف بالى
او تمر ذكره بينا فى خيالى
ولما اصحى فى عز الليل
ولا اسهر اعد طول الليالى
ولما احتاج لحضنك
او نفسى اسمع كلمه منك
مين يقولها لى
بترجاكى بلاش عناد
البعد طال خلاص تعالى
يا حبيبتى قتلنى البعاد
ليلى عايش فى ضلمه
والعيون دبلت م السهاد
حرام تسرقنا السنين
ونعيش حياتنا بعاد
لو كنت نسيتينى يوم
طيفك لما يجى يزورنى
بيحرم على الفرح والنوم
بلاش يا حبيبتى البعاد
كل يوم صورتك فى حضنى
والفكر يسرح بي وياخدنى
واحاول منه انى اهرب
وفى الاخر قلبى يتعب
عارف معدتش عليكى اصعب
طب مره واحده اخيره
اشوفك املى عيونى منك
ولو كان كتير عليكى
متلوميش على حبيب
انتى اللى قتلتيه باديكى
الشاعر /عزالدين جبريل
ليست هناك تعليقات:
إرسال تعليق