إلا رغيف العيش ( للشاعر يوسف الحمله )
يا سيادة الوزير
يا إبن العز يالي
بتنام عـلى ريش
إلا رغيف العيش
بدل ما تقلله
أو تعلى سعره
رووووووح
إدعم الفلاح
قول حي
على الفلاح
مش حي
على النواح
هو بعد الخبز
فيه صلاح !! ؟؟
فيه ريااااح
عاااتيه أتيه
محمله بالأشباح !!
ولو عايز تعرف
الحل ايه
الحل سهل
وبسيط جداً
إدعم الفلاااااااح
بدل ما الخواجه
مــالك معــدتنا
وبإيده
يحينا ويموتنا
ومش عيب
نبقى في بلد النيل
ونستورد الأقماح
خليك وزيـر لماح
فيها ايه
لو تدعم الفلاح؟؟
سير على
نهج النبي يوسـف
دور على الإصلاح
بس إنت اخلص النيه
وقول " لا "
للناس الحراميه
هتلاقي معاك
بدل الواحد ألف وميه
عايزين زيك الإصـلاح
شجع الناس مره
زي ما بتشجع الكوره
إدعم الفلاح مره
زي ما بتدعم الكوره
والله لو مات الفلاح
هيموت لعيب الكوره
وهيموت الفريق
وهيموت الجمهور
وهتتشتت الفيفا
يا راجل
خــلي النـيه عفيفه
واتخلي مره
عن القرارات العنيفة
ده الإنسان
فــي الأخــر جــيفه
إعمل حاجه
الناس تفتكرك بيها
ويقولوا
والله الراجل ده
كان أحق بالوظيفة
إلا رغيف العيش
بقلم الشاعر يوسف الحمله
10/3/2017
ليست هناك تعليقات:
إرسال تعليق