...... ((( قتلت حُبك ليه ؟ )))
******************************
لو هىَّ كانت دُميتك
بإيديَّا ليه كسرتها
لو هىَّ فعلاً حبتك
تخسرها ليه وكرهتها ؟
دى عيونها عشقت طلتك
بعنيك قوام دمرتها
قلبك أنانى ومش برئ
تخلص لك إنتَّ وخُنتها
الكِبر أصبح عِلِّتك
بجراحها إنتَّ هدمتها
بتهد ليه فيها ؟
وكسرت ليه حلمها ؟
خليك فاكر دايماً
راح تكسرك زيَّها
إحرق بقى لعبتك
وعيش على قدك
والحزن لو عِلِّتك
جفف دموع خدك
ضاعت خلاص قصتك
وإتشردت أرضك
وإتقلِّبِت ضحكتك
فرزت دموع نهرك
فاضت على شكوتك
دكت سدود بحرك
دارى على شمعتك
وعيش سنين قهرك
ودوق عذاب لعبتك
قاسىِ مرار صبرك
وإسكن بقى ف وحدتك
هى خلاص قبرك
**************************************** وعجبى
قلم الأديب الشاعر / أشرف فؤاد السمادونى
ليست هناك تعليقات:
إرسال تعليق