الواحـــــــــــة
____________.
بجاهد وبشقى وأشوف الهوان
وألقى الأمان في نظرة عينيكي
ولما أتوه وسط الزحام
ألاقي الحنان يخدني لأيديكي
ياواحة
ياراحة
في حضنك بنام
يامهد البراءة
في واحة عيونك يطوف الحمام
ووسط ابتسامتك يتوه الكلام
بردد في اسمك كأنه آذان
وأصلى وأركع لرب الأنام
يصونك يابلسم
يابنتى ريهام
____________.
بفكر زمان
لما اتولدتي وكنتِ صغيرة
وياما حلمت
انك تشبي وتبقى أميرة
وأشوفك فى روضة
وشيلالى شنطة وتبقى بضفيرة
كبرتى ياريمو
وبقت ابتسامتك سر الحياة
وبدعى ياريمو
يصونك يابنتى بحبه الإله
وأشوفك تعلى وتبنى تملى
تداوى وتشفى
وللمرضى ايدك تكون الدواء
تعلم تكبر تخرج ألوف
تضيء الحياة
وأبقى فخور بأجمل هدية
ويعجز لسانى عن اى كلام
يصونك يابلسم
يابنتى ريهام
____________.
شعر/ محمد توفيق
ليست هناك تعليقات:
إرسال تعليق