(((الظلم عشش فى القلوب)))
ليه الكل جاى علينا
يحكم ويتحكم فينا
حتى ناسنا وأهلينا
حرام عليكم ملينا
كنتم عزاز أوى علينا
شمعه بتنور لينا
وقولنا ليكم وحكينا
عارفنا أكتر من نفسنا
ولاحد صدق حكاوينا
ولارد ودافع عننا
أخرتها أيه أيه
وهنعمل أيه أيه
هواللى يقع مننا تفرحوا فيه
وتسنوا سكاكنكم عليه
يارب أسترها علينا
ولاتورينا الحياه بعيون ذليله
جاين والشر باين فى عيونهم
والغدر ماليهم
طيب ياناس كتر خيركم
نستاهل عمايلكم فينا
يارب حوشهم عننا
دا مايعرفوش ربنا
ظالمين والظلم فيكم غيه
قدمتم الظلم أغلى هديه
علشان يكون لينا تحيه
خدوا بالكوا من خطاويكم
بكره يترد كل دا عليكم
ويومها نحكم ونتحكم فيكم
الكيل طفح من اللى أحنا فيه
قدموا خير نفتكركم بيه
كل الكلام يجرح ويهين
دا باين عليه غل قديم
وتار ومعشش فى قلوبكم
بكره نقابل وجه كريم
يفصل مابنا ليوم الدين
كلمات/محمودصلاح السيد11/3/2017
ليست هناك تعليقات:
إرسال تعليق