صباحكم كفرعاوي جنيني فلسطيني
===
يا موطني من الفاء حتى النون
شو بعشقك شو بعشقك بجنون
وديانك سهولك مع جبالك
والتين والخزوب والزيتون
نسمة هواك المنعشه مجالك
ريحة عطرها زهرة الليمون
يا موطني وطيور احجالك
والبلبل الشادي مع الحسون
عز وابا عا بيدر غلالك
شموخ وكرامه بالفخر معجون
يا موطني انت الطهر شالك
وترابك الغالي كحل لعيون
والعز لف وزنر تلالك
حتى تظلك شامخ وما تهون
يا موطني والمجد غنا لك
جفرا وظريف الطول يا مزيون
واطرب لكل الكون موالك
وتعلمو منه شعر وفنون
يا موطني المحروس برجالك
كلهم وفا بالشكل والمضمون
ت تنول يا موطني استقلالك
وتكنس عن ترابك بني صهيون
يا موطني من الفاء حتى النون
==== محمود شبيب ====
ليست هناك تعليقات:
إرسال تعليق