*****ياريت*****
إزاي القلب يصفالك
و إنتي اللي كارهاني
ياما كنت أتمنى وصالك
و إنتي على طول مفارقاني
قلبي من الدنيا أختارك
و قلبك فرحان بأحزاني
مليت من كتر بعادك
و حاسس بإنك نسياني
عذبتي القلب بعنادك
و بسمتي والله واحشاني
ياما نفسي القلب ينسالك
كل جراحي و حرماني
كل ام أسألك مالك
جوابك يزود أحزاني
يا ريتني سبتك كدا في حالك
و كنت لقيت حبيب تاني
لا كنت أتعلقت في حبالك
و لا غرقت في بحر هواكي من تاني
يا ريتني ما جيت على بالك
و يا ريت ما كنتي سجاني
كلمة من نفسى بقولهالك
و يا ريت ما تكوني فاكراني
*****ياريت*****
ملحوظة هامة
تكرار حرف الواو لأن الكلمات مكتوبة على فن حرف الواو
بقلمي/عبيد رياض محمد
عبيد آل حريقه
12/3/2016
ليست هناك تعليقات:
إرسال تعليق