باللهجه الفلاحي
....
جيت بدري
الساعه كام يا ولاد
قالو العصريه
ليه بتسال يا خال عاالساعه ديه
قال بنت اختي حتولد وبطمن
جابت
لجوزها الواد وأهي بنت جايه
وعدت ساعات والخبر في البلد
شاع
جابت ولد بيقولو شكل الشكروه
اه
اصل الشكروه خوال أمي بيض
وعيونهم زرقا زي لون البحر المالح
زي
ما تقول شكل الخواجات بره
والحلاوه
فيهم زي متكون متنقيه
أهم واروح
اشوفها واطمن عاالواد
ويبقى عرفوا
ان جده جاله ما مات
ياالف بركه
مش كنتي جيبتي بنت
ولا خلفتك
يا بنتي باين كلها صبيان
مابتفرق
بس تقومي باالسلامه سلام
كبر الواد
وعدى يجي سنه وزياده
واتبدل
الشكل وديه عندنا عاده
وجه جدي
يشوفني لما كبرت شويه
اتخض وقال
فين الولد اللي ولدتيه
قالت يا خال
اهو قال لاوالله بدلتيه
هو كان
تعبان وروحتي بيه المستشفى
يمكن اتبدل
منك ولاختي بالك يابنتي
ضحكت
وقالت ده شبه يا خال أبوه
قال ومالو
بس ياريت يكون طيب زيه
وتفوت
السنين والواد كبر وبقي راجل
وجده قال
جه بدري
حمدي البسيوني
ليست هناك تعليقات:
إرسال تعليق