..... وباحــــــــــــــذرك .....
وباحذرك من اي شئ .. يجرح مشاعري المخلصه
يا اللي انت كنت في يوم طريق .. وانا ماشيه فيه صبح ومسا
أيوه كرامتي بدون كلام .. أغلي وأعلي م الحياه
لو قولت لي يوم سلام .. يا حبيبي في رعاية الإله
****
ما تخلنيش أهجر هواك .. قبل اللقا ما يكون فراق
ماتخلنيش أتعب معاك .. واطفي شموع الإشتياق
فبلاش تكون قاسي الشعور .. وبلاش تدبل في الزهور
أيوه كرامتي بدون كلام .. أغلي وأعلي م الحياه
لو قولت لي يوم سلام .. يا حبيبي في رعاية الإله
****
لو حتي إيه .. عمري ما اكون .. لعبه في إيدك مهما كان
عمري في يوم ما اقدر أخون .. لو حتي هايخوني الزمان
إرجع لعقلك ياحبيب .. إرجع وكون لي الطبيب
أيوه كرامتي بدون كلام .. أغلي وأعلي م الحياه
لو قولت لي يوم سلام .. يا حبيبي في رعاية الإله
****
....✍.... عبيــــــــــــــر الجنـــــــــدي ....
ليست هناك تعليقات:
إرسال تعليق