...(( حب الوطن ))...
حب الوطن في الدم .......
إتولَد ...قبل ما إتوِلِد
و لا أعرف
دين ...أو أب و أم .....
أنا أقدر أعيش بلا أب
و ممكن أعيش بلا أم
و ديني يقيني ...
بيني و بين ربي يا عم .....
لكني من غير وطن
أعيش فين و أقول يا مين
و أشكي لمين... الهم ...؟؟
من غير وطن....
تزيد عليك المحن. ....
و في دنيا ... البشر
لا دية ليك.... و لا تمن
و معاك العيشة تصبح غم......
يا تري.. يا كاره الوطن
بقيت... أعمي و أصم ....!!!
إن جار عليك الزمن
و صابك مرض أو وهن
مين يداويك و مين يواسيك
و في تراب مين.....تتلم ....؟؟؟
إسألوا الطير ....في السما
يجوب في النهار...... الفضا
وفي المسا ...
لعشه ......... يرجع يحن ......
إسألو الغريب عن..... داره
مهما طال في الدنيا مساره
او طاب في الدنيا مداره
في غربته ....ديماً يئن.....
و لا حد بيه....... يهتم........
حب الوطن......... في الدم
قبل الدين و قبل الأب و الأم .....
د/عمر عبد الجواد عبد العزيز
ليست هناك تعليقات:
إرسال تعليق