،،،،،،،،(بين خيوط الشوق)،،،،،،،،
اعذريني لما يتجنن جنوني
والغضب سيطر وخدني
لما شوفتي ماكانش لوني
كان غرامك يوم ماصادني
ع الجمال كان يحسدوني
كل كونك كان وعدني
انت وحدك في عيوني
لو تغيبي الشوق يكيدني
والجوارح يألموني
عن غيابك خوف راصدني
والنجوم يوم كلموني
وإسألي النجم اللي فادني
لما شاف دمعي ف سكوني
لما شاف حزني .. بعدني
عن دموع مش بيسبوني
عند بابك كان وخادني
النجوم يومها نادوني
والأمل وحده راودني
والعيون فيك يلوموني
وانتظار الشوق شاددني
في إذدياد حبك شجوني
وابتعادك سهم متني
في الضلوع ينخر عيوني
وحدتي بعدك باعتني
لو وجعتك أعذريني
حُبي وحده اللي بَعِتني
قال لي ارسم لك حنيني
تعرفي الفرحه فاتتني
قال لي أنقش لك أنيني
وارسمك شمسه حامتني
خوفي من يوم تهجريني
بين خيوط الشوق ضاغطني
بين آلام الشوق ظنوني
فوق جبيني الخوف حاططني
بين ذاكرتي الخوف مَليني
فوق شفايفي الجرح مخفي
لسه بينزف من سنيني
في إبتعادك قلبي منفي
وحده قلبك يحتويني
لو زعلتي مني إصفي
فيك عاشق إعذريني
،،،،،،،(شعر )،،،،،،،،،،
عبد الله السايح
ليست هناك تعليقات:
إرسال تعليق