آه يا زمان
العمر مني فني
و الزمن عليا جني
ضهري إنحني
و كترت عليا أحزاني ......
زماني ....
رماني ع الرصيف
أحارب برد الشتا
و أصاحب حر الصيف
أكنس و أنظف
تقيل و خفيف
و الدنيا بقت ناسياني......
تعبت .....
من قولة آه....
من هم الزمن و أساه ..
لا حظي في يوم ألقاه
من سنين و أنا بستناه
يا مين ....
يجيب العمر من تاني....؟؟
الشقي
عليا إنكتب ......
أجمع في أش و حطب ..
و فاض بيا التعب
و الصحة بقت خايناني.......
ناس
تسافر تشم الهوي ......
و ناس تعافر علي حق الدوا
و ناس تكابر تلم النوي
و أنا المأشة سوا
أنا عشقتها و هيا عشقاني....
يا رب قويني ......
علي همي و سنيني ..
و إحفظلي نور عيني
لقمة تكفيني..
و هدمة ساتراني ......
د/عمر عبد الجواد عبد العزيز .
ليست هناك تعليقات:
إرسال تعليق