أنا ابنك
أنا ابنك وواد طيب
ساعات نومى من المغرب
وحزنى ودمعى دا قريب
يجوز ناسية انى واد صلبك
يجوز من فقرى او غلبك
طب افتكرى انى من بحرى
دقهلاوى وغاوى الشعر من صغرى
يجوز نسيتى لوز قطنك
وشمس اللمة فى العيلة
يجوز شيشة ونرجيلة
وام الخير واصيلة اللى من سنك
نسيتى شقايا فى طينك
ورى الليل لفدادينك
وفاكرة اللى طلعوا دينك
وهاد مينك وبا يعينك
انا ابنك ونبت النيل
وياما غرست فيكى نخيل
وياما كتبت كتير مواويل
ماأنا شاعر يحب الليل وسماره
امانه يا امى لتضمى
امانة تحققى حلمى
وحضنك يبقى دفايه
وزرعك يبقى ضلاية
امانة اشوف لضحكاية
بجمال تمك امانه ما تحرمى ابنك
#مصطفىقمر
ليست هناك تعليقات:
إرسال تعليق