الزمن غدار ((بالشعبي العراقي))
اشموع العمر من تنطفي
تصبح حياتج ظلمه
وعمرج يضع ابقهر
وما يوصل الحلمه
بعز شبابج يخيتي
وانتي بربيع العمر
عيشي الحياتج
وربي العمرج يسلمه
مو كل صديق تحسبيه اخوج
ولا كل اخ
يحكم ضميره ويكلمه
الاخ والصديق
يهب الج كبل متكولين الاه
ويصرخ ابدالج اهات
ويطلعج من الف عتمه
بس الزمن غدار
وانخلطت علينه
مانعرف اليمنه سند النه
لو خطيه احترك فلمه
غدار ياهذا الزمن تفر بينا
وبشدة الازمات
تحرمنا من احلى نسمه
وبقينه بلا معين والله المعين
بوكت خلى البيت
من اعز زلمه
حسان الامين
ليست هناك تعليقات:
إرسال تعليق