كلمتين وبس 1
مين فيكم دخل مرور الأميريه ؟ تخيلوا علشان اعمل شهادة بيانات للعربيه افضل رايح جاى على المرور لمدة 3 شهور ؟ رحت اول مره ، وبعد المرار والإنتظار لما ييجى رقمك وبتقف على الشباك ، الموظفه تقولك وبكل خشونه طبعا : انت عاوز ايه ؟ قلتلها : شهادة بيانات بس موش اكتر ، مِسكت الورق وقالتلى لأ دى موش عندنا ، اطلع فوق ،،، اطلع فوق وانزل تحت وشباك تسعه وشباك تلاته ووووو يعلم الله ، تلات شهور ، وفى الآخر رجعت لنفس الموظفه ، قالتلى بهمس خافت ، : طيب فتَح مُخك ، وابتسَمت كده ابتسامه غريبه وفعلا مرضيتش تخلص الورق غير لما شِربِتْ شاى بالياسمين ،،، طيب أنا راضى ضمير الحكومه ، لما الموظف بيطلب رشوه علنى كده أمتى هننضف وأمتى هنعامل ضميرنا بما يرضى الله ؟؟؟ يا ناس ، الناس تعبانه ، موش كده واللا ايه ؟؟؟
ليست هناك تعليقات:
إرسال تعليق