و هستنى المعاد تانى
عشان اكتب على كفوفك خيوط حلمى اللى لسه ما جاش
و هاحكيلك بصوت قلبى
قصص فيها حاجات تتعاش
و ااخر ساعتى على سهوة و اقول يا بكره ما تجيلناش
و لما تقولى عايزة امشى
هاخبى السكة عن عينك
و اخلى عنيكى ما تشوفهاش
يهل الليل و تيجى نجوم
و وسطيها قمر طيب اقوله بجد ما تسيبناش
عشان يشهد على حبى
و اشواقى و احلامى اللى ما نسيتهاش
و اخلى الضحكة فوق خدك قصايد شعر مكتوبة
و اقولك لسه ما قريتهاش
فخليكى هنا جنبى
و مدى ايديكى على جرحى عشان يشفى
و عشان خاطرى بلاش تانى تقولى بلاش
#فهمى_على
ليست هناك تعليقات:
إرسال تعليق