سحرتيني بالبسمه
وخد العناب
وبهمسه مثل النسمه
عطر وخلاب
=
لما بتهب النسمه
المليانه عطور
وع شفافك حلوه البسمه
فل ومنثور
بتشفى لجروح بجسمي
من غير دكتور
ايمتا تقسم هالفسمه
ونكتب لكتاب
=
لما بتشع نوارك
ابهى من الشمس
عم بتبوح لي باسرارك
وبتهمس همس
شعرك خصرك زنارك
ممنوع اللمس
ولما بنيجي عا دارك
بتسدي الباب
=
بعرف يا حلوه انك
ست الحلوين
اموره وضحكة سنك
عزف وتلحين
مغروره وياما منك
ذابو عاشقين
قلبك قاسي لكنك
اغلا الاحباب
=
قلبي ما استحلا غيرك
من بين الكل
طيري موالف مع طيرك
ع غصون الفل
بفية رمان صديرك
تا يشفى الغل
ناوي تا يصلي بديرك
ما همو حساب
ليست هناك تعليقات:
إرسال تعليق