أول مرة يا حبيبى تمشى قبل معادك
حتى كلمة سلام مهنش عليك ترميها
ليه يا حبيبى كنت مستعجل على بعادك
وناسى إنها آخر مرة هشوفك فيها
كان نفسى اسألك رايح فين وسايبنى
كان نفسى اسألك الدبلة اللى فى إيدك فينها
كان نفسى أقولك يعنى خلاص هتسيبنى
كان نفسى أقولك أستني أيامك مشبعتش منها
كان نفسى اسألك يعنى مش هتيجى تانى
كان نفسى اسألك يعنى خلاص مافيش نصيب
كان نفسى أقولك يعنى مش هشوفك تانى
كان نفسى أقولك يعنى هعيش من غير حبيب
لكن لقيتك فى لحظة قفلت الباب ومشيت
ودقت يا حبيبى ساعة فراقك المرة
أول مره مطلعش فيها أوصلك لباب البيت
أول مرة مسلمش عليك وأخر مرة
ليست هناك تعليقات:
إرسال تعليق