{{ حاولي تصدقيني }}
~~~~~~~~~~~~
من غيرك حياتي معشتهاش
والعمر كله ضاع بلاش
وعتاب الفرقة بناره كاويني
حاولي تصدقيني
الحب في بعدك ضاعت معانيه
وفي حضن غيرك مش هلاقيه
دا أنتي روحي وضي عيني
حاولي تصدقيني
عمري ما كنت ليكي خداع
ولا مرة نسيت إنك ملاكي
وعايش الغربة مع الأوجاع
مستني يوم أفرح بلقاكي
يا نسيم الروح وعشق سنيني
حاولي تصدقيني
ربيع الحب ف حضن هواكي
وقمر الليل بينادي علينا
وأنا روحي عاشقة لسماكي
ونجوم السماء تدور حوالينا
تزود فرحي وأنسى انيني
حاولي تصدقيني
عشقي لقلبك كله أفراح
وروحي لروحك كتير ترتاح
أنسي الهجر و قولي سماح
وإياك في مرة تخدعيني
وكفايه بعدك يبكى عيني
حاولي تصدقيني
~~~~~~
شعر ///محمد عباس أبو عمر
28/8/2017
ليست هناك تعليقات:
إرسال تعليق