كلمة وداع
............
ماتقوليش احنا انتهينا
متقوليش كلمة وداع
اللي بينا حب جامد
حب أأقوى م الضياع
ليه تجافي .. ليه اعاند
بكره نندم ع اللي ضاع
اوعي تنسي اللي بينا
داحنا بينا حاجات كتير
حاجه يحكوها ف اغاني
غنوة الحب الكبير
يوم ضحكنا .. يوم بكينا
ويوم سكتنا ..يوم حكينا
يوم باشواقنا ارتوينا
والنجوم شاورت علينا
ليه تقولي مفيش رجوع
تطغي بايديكي الشموع
وتسيبيني للليالي
أروي ثوانيها بدموع
راح اعيش العمر تايه
مركبه من غير قلوع
ازعلي ..
مش هاقول ما تزعليش
اغضبي
بس عني ما تبعديش
لو قرارك تبعدي
عرفيني ازاي هاعيش
القساوه مش في طبعك
ماتقوليش ما يهمنيش
انتي كل الدنيا ليا
غيرك انتي .. لأ ماليش
عصام إمام
19/7
2017
ليست هناك تعليقات:
إرسال تعليق