لازم أعتذر
************
عيزانى أعتذر ؟
من عيوني يا أجمل بلاد الدنيا
وأم لكل بلد فيها بشر
بس قوليلي أزاى أعتذر
وانتي في عيوني أحلى عروسة
وبيقلدوكِ في زينتك كل البشر
عموما انا بعتذر
وأعتذاري مش عشان انا غلطان في حقك
أعتذاري لأني بحبك ،
بحبك حب ،
عدده أكتر من عدد حبات المطر
أكتر من عدد حبات الرمل بالجبال
واللى بيتبني بها أي حجر
بحبك ، واللهي بحبك
عدد النجوم فالسما
ليلة صيف
معتمة ، بحبك
عيزاني أعتذر
حاضر ، من حقك ،
لازم أعتذر
تعرفي ليه ؟
لأنك غالية عليا أوي
وأغلى من روحي ،
مع انك ، أنتي روحي
أنتي أمني وأماني
وأرض المحبه
وأرض الرسل .
عيزاني أعتذر
حاضر ، انا أبنك
وأنتي حبيتبي ومهما أعملك
جمايلك مغرقاني بخيرك
خلتيني في يوم شاعر
شاعر جمالك
جمال نيلك وأهرامك
وخضرة أرضك
وشكل جبالك
عيزاني أعتذر
أعتذرلك ، لأنك أمي
وعضمي من حجر صوانك
ولحمي من خير زرعك
ودمي من مية نيلك
عيزاني أعتذر
أقلك الصراحة ؟
أنا لازم أعتذر
تعرفي ليه
لأني قصرت في حقك
خليت الغريب عنك يدوس برجليه على أرضك
خليته يفجر كل مكان مقدس بيعبدو فيه أولادك ربك
خليته يقتل أخواتي ويخرب تاريخ مجدك
عيزاني أعتذر
حاضر يا مصر يا أمي .
لازم أعتذر
بس انا عارف انك بتحبيني
وعارف أنك عرفاني طيب
وبخطىء زي كل البشر
.
لكن ، لازم أعتذر
الشاعر محمود مصطفى
روعة
ردحذف