خلا ص ماشى
----------
خلاص ماشى
وسايبلى الهم
بمين غيرك
انا حاهتم
--
مين غيرك
يلاغينى واقوله ياسم
ومين غيرك
يدلعنى واقوله إتلم
-----
مين غيرك
يصبرنى عالغياب
لوطال
يمسح دمع العيون
لوسال
يصبر مهجتى وروحى
ولو غرقانه ف جروحى
لمين هاشكى
ومين يسمع
دى آهة الفراق
توجع
---
حلمت إمبارح
انت مشيت
بقيت مفجوعه
لما صحيت
لقيت نفسى
ف لحظه بكيت
وانا باحضن
حيطان البيت
-------
باقول ياريت
بلاش تمشى
بلاش يبقى
مابينا بعاد
بلاش والله
مابانامشى
من يوم ماقولت
حاى ميعاد
---
حاتسيبنى لنار
القسوه والحرمان
هتغلبنى ليالى
الذكرى واللى كان
وادوق الشوق
ولهاليبه
وإيه المال إللى
هاتجيبه
وجودك جنبى
بالدنيا
مابين احضانى
وعنيه
--------
ماتاخد حٌجة
الدوار
خد دهبى وخلخالى
بلاش تزرع
فى قلبى مرار
ساعتها
هايوجعك حالى
-------
خلاص ماشى
مافيش فايده
بلاش تفارقنى
بمكايده
انا جوايه نار
قايده
----
تروح ترجع
هاستناك
هاقفل بابى
والشباك
خلاص ماشى
وسايبلى الهم
يادمك
ميت الف ياسم
---------
يسرى عثمان
ليست هناك تعليقات:
إرسال تعليق