طمنتني
من بعد ماانت ما سيبتني
إنك تعيش من بعدي
حر
ريحتني
من وهم حب يذلني
خلي الحياه
بعدك تمر
أنا كنت واحده من طيبتها
عايشه في سذاجه
حبيت حقيقي وكنت فاكراك
كل حاجه
وادي النتيجه خسرت وياك
كل حاجه
لكن حقيقي
علمتني
إني اكون من بعد جرحك
ليا عقل
يقدر يفكر بعد منك
ولا يوم يقل
وكل عقده ايوه فعلا
ليها حل
بس هقولك إنك خلاص
خسرتني
وخسرت إنسانه بتوهب
حب ليك
كان نقصك إيه ولا غرورك
كان عميك
ودا مش عتاب لكن بوضح
حاجه ليك
إنك خلاص
عرفتني
إن ميفدش في حياتي
اكون مصدومه
من سوء مشاعرك اللي
واضح إنها معدومه
وليه أكون ضحيه منك
اعيش مظلومه
أحسن لي إنك ياابني
فارقتني
دلوقتي بس اقدر أعيش
من غير هموم
ومفيش جراح طول الحياه
تقدر تدوم
إمشي وجودك جمبي
ملوش لزووم
وحياتي من غيرك
دي تخصيني
احمد طلبه
٢٠١٧/٤/١٢
ليست هناك تعليقات:
إرسال تعليق