إمسح دموع الطفل دا بيبكي
عاللي بيحصل من اللي ظلموه
يصرخ يا عيني وهمه فيه يشكي
كان ذنبه إيه في الدنيا لما جابوه
==================
شايف حصار بيهد فوق ناسوه
ولا شاف إيدين من همه دا يشدوه
حلمه اللي ضاع من ظلم حراسه
وهما دولا يا عيني اللي ظلموه
==================
خلوه يتيم الأب والموطن
وقالولو عيش في النار دي وسابوه
فتح عينيه ملقاش مكان يسكن
غير في الخراب والنار جابوه ورموه
==================
ينده يقول يا أمه ليه نايمه
عاللي بيحصل أنتو ليه قبلتوه
ملقاش يا عيني غير عيون عاميه
ولا حد عربي من الكبار سمعوه
==================
قال يا رب انت اللي عالمني
والعدل منك مش من قلوب نسيوه
قادر لوحدك بس تنصرني
وترجع الحق اللي ناس نهبوه
==================
أحمد طلبه
٢٠١٧/٤/١٣
ليست هناك تعليقات:
إرسال تعليق