..(( مين قال إنك إرهابي؟ ))......
مين قال إنك إرهابي !!!
و انت جاري و بابك في بابي
و أبوك أعز أصحابي
علشان قتلت مسيحي !!!
مع إنه في الأصل كتابي
و بيقول الله محبة
أصل المحبة سر عذابي !!!
يُنصر دينك ....
بالمناسبة يطلع إيه دينك. ؟؟
يهودي ولا سيخي ولا مجوسي
و لا ما ألاقي عندك جوابي ؟؟
مش مهم ....سيبك من عتابي
و إقتل حنا و إدبح مينا
مع إنهم جيراني و بيعزوني
و ف فرحي وقفوا يجاملوني
و لما مات أخويا جم عزوني
و إقتل مريم و إقتل دينا .
مع إن أخوها طبيب يداوينا
إقتل و إدبح و لا يهمك .
و اياك تكسف علي دمك
إقتل ناجي أهو جمبك ..
دي حتي أمه صاحبة أمك
ووالده ديماََ يلعب طاولة
و ياكل و يشرب مع عمك
إضرب فجر ..كل مكان
ما إنت بقيت مش إنسان
فجر في الواسطي
وإضرب محلة و إضرب طنطا ..
بكفاية سلام و محبة أونطة
و أي واحد داقق صليب
إدبحه و إخطف منه الشنطة
بس ياريت تقولي يا أسطي
هتقول إيه ..؟؟؟؟
لربنا يوم ما تعرض عليه ..؟؟؟
و يسألك : كان ذنبه إيه ..؟؟؟
هو عملك إيه ؟؟؟ و قتلته ليه ..؟؟؟
و. من غير جدال و مناهدة
سبحانه في كتابه .....
قال : إنهم أقربنا مودة
و سيدنا محمد وصانا عليهم
و يوم القيامة خصيم لمن يؤذيهم
يا تري هترد و تقول إيه ...؟؟؟
مين حرضك ؟؟ و مين مولك ؟؟؟
و إنت و هما مصيركم إيه ؟؟؟
إنت و هما !!.....إنت و هما
مصيركم في جهنم هتلاقيه ........
د/عمر عبد الجواد عبد العزيز
ليست هناك تعليقات:
إرسال تعليق