##بيقولوا إنهم مننا##
ناس طبعهم غريب
ميحبوش حد لينا قريب
ودايما يتهمونا بالعيوب
يشوفوا عدونا ويحبوه
واللى يقاطعنا يودوه
ماشين معانا بالمقلوب
بيقولوا إنهم مننا
وأول ناس بتدوس على حقنا
وأول ناس بتعلن الحروب
مش بيزعلوا على اللى من دمهم
أمال مين بعد كده هيهمهم
ده العار ليهم منسوب
ليه عقولهم أصبحت عقيمه
ووجودهم مبقاش ليه قيمه
خلاص اتشوهت جواهم القلوب
بعد ما زاد علينا جفاهم
بقينا نحاول نتناساهم
عشان مفيش هروب من المكتوب
إزاى بيدوسوا على كرامتنا
ويتسببوا لينا فى كسرتنا
وأنا فى حسابتهم شخص مشطوب
فين هى صله القرابه
كلها قيم ومبادئ كدابه
والوصال بنا مبقاش محبوب
اللى مننا مخلص للغريب
وبيمارس معانا اسلوب التعذيب
خلاص وجودنا مبقاش مرغوب
كل شئ حوالينا اتبدل
وحجات كتيره محتاجه تتعدل
ياريت العاصى يرجع يتوب
#بقلم:شيماء السيد#
ليست هناك تعليقات:
إرسال تعليق