##مبقتش بحبك##
مبقتش بحبك زى الأول
إحساسى بيك خلاص اتحول
خليت الندم جوايا هيطول
والعمر اللى ضاع مين يرجعه
مش محتاج تكدب وتبرر
برود مشاعرك اتكرر
وكل شئ فى قربك اتمرر
واسلوب الظلم لقلبك بيمتعه
الدرس ليا بقا مشروح
مبقتش شايفه فيك وضوح
قلبى تملى معاك مجروح
عشان رافض تسمعه
كنت ليا عمرى وزمانى
كنت بعزف بحبك الحانى
ياما سقيتك من بحر حنانى
وكل العطاء من نحيتك بتمنعه
ساعدتنى انى اوصل ليك
عشمتنى وعلقتنى بيك
سيبتنى اسهر فى لياليك
وراجع لقلبى تودعه
جاى تاخد منى جنب
وبتقولى مالكش ذنب
وراح فين احساس القلب
ولا انت كنت لقلبى بتخدعه
كفايه ارجوك مثاليه
مبقاش فى حاجه مستخبيه
انكشفت كل المسرحيه
ليه انسان حبك توجعه
اسفه ان اقول علاقتك مقرفه
مفيش ولا حاجه فيك منصفه
كل حاجه بتحتويك مزيفه
وخلاص قلبى على القسوه هشجعه
#بقلم:شيماء السيد#
ليست هناك تعليقات:
إرسال تعليق