من النهارده
2016/10/13
من النهارده مش هتلاقيني في سكتك
كنت طوبه معطور فيها خطوتك
كل خطوه للأمام
للخلف اديه شدتك
من النهارده مايليني من طريقك
اسحقيني بكعب نعلك
وان كنت تقيل استعيني بصديقك
خليكي قويه اد فعلك
ليه اللخبطه قابله بيها
ليه الحيره هتعيشيها
شوفتيها يوم ما شوفتك
ياللا اوام قومي بيعيها
ليه التردد يبقي حالك
والتودد غصب جالك
ياللا يا حلوه انسي مالك
طوبتي لازم تسحقيها
كان طريقك مستقيم
الخط بقي شكله اعوج
انسي وعودي للقديم
وسيبك مني حد اعرج
حياتك غنوه كمليها
من النهارده ابتديها
قسمي لحن انتحاري
علي جتاري اعزفيها
من النهارده...............
#محمدلطفي_ابوالفتوح
ليست هناك تعليقات:
إرسال تعليق