##فى ايدك تعيش الهنا##
ياللى قاعد حزين
فى ايدك تعيش الهنا
احنا ليه مش شايفين
غير بس جراحنا ويأسنا
ليه بنقول مش قادرين
بيسوء ليه ظننا
وايه يعنى لو مره مجروحين
ما اكيد الفرح بيجى لنا
عايزين نعيش مطمنين
ونتلذذ شويه بحبنا
محتاجين لينا معين
يساعدنا نلم شملنا
لو صحينا جوانا الحنين
حجات كتير هضمنا
ولو خلينا القلب يلين
هنلاقى اللى هيشتقلنا
لحجات مهمه احنا ناسيين
واللى بندور عليه موجود وسطنا
لو جربنا مره نكون راضيين
هنلاقى فى ايدينا حلنا
بقينا على طول احنا بنهين
الناس اللى مننا
وبقينا على طول بس فاكرين
حجات مش من حقنا
مش هنكون ابدا مرتاحين
غير لما نلتزم باللى قاله ربنا
##بقلم :شيماء السيد##
ليست هناك تعليقات:
إرسال تعليق