الاتنين حلوين / بقلم الشاعر / سعد المهدي

(الاتنين حلوين )  ..

ياترى  يا قلبي .. هتخدني .. 

توديني على فين

وهتختار ازاي .. قوللي .. 

ما بين الاتنين ؟

واحدة ..  بيضا .. وهاديه .. 

وصاحبة عقل رزين          

والتانيه ..  سمرا .. وشقية .. 

وخفيفه الضل حبتين

اختار ياقلبي  يالا .. 

متحيرنيش 

وبأيام الوحده ... ارجوك .. متفكرنيش

انت محظوط والله يا قلبي .. 

خلاص .. ماتعذبنيش 

ولا تعتب على الحب تاني ..

ولا تقول : حب مافيش

اشكر ربك  ياقلبي  .. 

وعيش الأماني عيش

دا الأنسان .. من غير حب  .. 

ابدًا .. ابدًا .. مايساويش

ركز واختار ياقلبي .. 

قارن واستشير

وادعي ربك  .. صلي و استخير ..

بطمنك ياقلبي .. معاك اتنين .. 

والاتنين حلوين    

ياترى  يا قلبي .. هتاخدني ..

توديني على فين

وهتختار ازاي .. 

قوللي .. ما بين الاتنين 

كلمات .. سعد المهدي