{{ خاطرة}}
*******
مش كفاية؟
مش كفاية ظلم لينا
مش كفاية
الحق ضايع بين إيدينا
وماله راية
مصر أمي كتير بتصرخ
م الألم.
ودمع عينها يروي جناين
من أسى
على جندي مات من سكات
ويا العدم .
والناس يقولوا كل
حزن بيتنسى
والصبر بستان ساكناه
منذ القدم
م البداية.
مش كفاية؟
********
شعب عايش دنيته
تايه ياناس ف سكته
فين هيلاقيها لقمته ؟
سافر وهاجر
ويا مركب آخرته
تارك وراه أحزان
و هم لأسرته
مش كفاية؟
********
أنا ابن مصر
ولا يتيم بدنيتي
خايف ليوم تضيع
معاكي محبتي
وتبقى هي دي النهاية
مش كفاية؟
*********
كدب اللي قال لك
ان عمره ما حبكيش
ولا إنك تشوفي
حزنه ما يهمكيش
حضنك يا مصر يلمنا
أنا وابويا والضنى
وحياتك انتي كل المنى
يا رمز الأمان بكل زمان
تقولي دايما...
الخير معايا
ونيلي يشهد...
ونسيم هوايا
والكل يعشق
أرضي وسمايا
مش كفاية؟
********
أنا ابنك
عايش غريب
وسط الغلابة
وفيكي الأسود
تاكل ديابه
متمتعين بظلمنا
عازفين ربابه
نسيوا الضمير
ويا الفقير
وقالوا ليه
الفقر حشمة
وكان المصير.
أزمة فيها ضاع الكتير
والأخلاق ويا الضمير
يلا نعالج كل العيوب
وندعي لمصر
أم الشعوب
رب احفظها
من كل الكروب
هو ده كل منايا
ويا رجايا
أكيد كفاية. ؟
*********
{ كلمات أ/ محمد عباس }
{ ابن الحجايزة }
ليست هناك تعليقات:
إرسال تعليق