رد على الشاعر مجدى ناصيف عن قصيدة صوت الانانى
( سمع هس )
يا مجدى نروح منك فين
عمال تعزف على الونجين
ونج تقول يابلادى !
وونج بتعشق!
عادى !!!
وحنا نصقف
ع الصفين
تروح شمال
تروح يمين
بإعجابنا وراك
رايحين
بأباربقك
بعقيقك
قلى
واخدنا ورايح فين
يلى الاصاله
فى طبعك
مش هاقولك جايبها
منين !!
مصرى ؟!
فرعونى ؟!
شرقاوى ؟!
ولا عازف على ربابه ومغنواتى
عارف تاريخها
عادد نخيلها
سابح فى نيلها
حتى ليل المحرومين
طب أوول وسمعنى
انت انسى
ولا جنى
انت فاهم
ولا فنان
عازف
طب اعزف كمان وكمان
طب عدلى الاوتار
وقلى كم وتر تعبان
عازف
على بهيه
ولا على الغلبان
وست الحسن
ام اوام مخروط
ياواد انت عازف
على المظبوط
عاشق حتى الشقوق
عاشق انت يا معشوق
ان كان على جدودى
والله على الهرم
كانوا نقشوك
يافالح
وصالح
وجرىْ
ومذنب
وعاشق وبرىْ
ياكاتم
وفاضح
ياسامع
حتى الاباريق
من غير مجامله
ولا تهيص
يا ابنى
ياواد
انت فانوس م الفوانيس
بتقولى معاك ترابيس
يا مغنواتى
على شطها
يا أحلى عريس
سمعنا
بس بالراحة علينا
بشويش
سمع هس
ياجماعه
دا مجدى
بلاش تشويش
******
زينه شريف
2016/10/26
ليست هناك تعليقات:
إرسال تعليق