قالوا من سنين
مصر هيا أمي ......
أنا قلت يا غاليين
أفديها بروحي و دمي
إنما قولولي أبويا مين...؟؟
و فين أخويا
و مين يبقي عمي ...؟؟؟
قالوا أبوك
كريم العنصرين .....
بني أقدم حضارة
صارت للدنيا منارة
و بإيمانه وحد القطرين......
و عمك شهم و زين ...
كريم الوطن و الجد
عرقه من فوق الجبين
طرح خزائن الأرض .......
و شق بيمينه ....
في حضن النيل بساتين ......
بدمه روي أرضه
و أرضه هيا عرضه
صاين حقوقه و مجده
من ألاف السنين .......
و أخوك عدي القنال
إتحدي نيران و رمال
و من فوق حصون و جبال
قهر العدو...
و معاه قلوب. ملايين.........
و حفر من تاني قنال
و حرر جبل الحلال
و في البُنا صنع المحال
و طهر الأرض في ليالي
من كل عميل محتال
كارهي الوطن و الدين .. .....
و أولادك . .....هنا كتير
في قلوبهم كمية ضمير
و أملهم ..بكره يصير
أجمل ...و بالأمل
علي ألالم صابرين....
و في بحورهم
قروش و حيتان
تنهش ...فى لحم غلبان
منين أجيب إنسان
يطهر ...منهم بلدنا
و ينسيني عذاب السنين.......؟؟؟؟
د/عمر عبد الجواد عبد العزيز
ليست هناك تعليقات:
إرسال تعليق