عيونك جريئة كالطفل هي
لكن سهمها صايب ومسنون
حبيتك بلهفة وشفافية
وأنت بغيري يا حلو مفتون
صبيت لك كاسات حنية
وحدك أنت عا هالقلب بتمون
عيشتك بكيف ورفاهية
وما كنت لحظة شاكر وممنون
سنيني الك شمعات مضوية
وتبقى الك كيف ما ردت بتكون
قلبي وهبتك دون منية
يا للأسف وطلعت مش مضمون
وبعطف دللتك ع ايديي
طلعت عليك العشره عم بتهون
انتا نكرته مش بعفويه
باصرار مسبق بالغدر مشحون
عن قصد منك سوء بالنيه
وقلبي باحساس الوفا معجون
ومن كثر ما بتكذب عليي
وبتغدر وبتخادع وبتخون
الدم صاير دمع عينيي
ومن جرحك القلب الوفي محزون
من اليوم وطالع ما بقا فيي
بحلف انا بالله ونبيي
حرمتني اعشق لاي عيون
لو كان ساكنها عشق مجنون
=== محمود شبيب ===
ليست هناك تعليقات:
إرسال تعليق