... (( الرياضة..صناعة ))....
....من الصور السلبية.......
يعني إيه .....
خللي روحك رياضية ..؟؟
الكرة أساساً للتسلية ...؟؟
كيف و فيها تدريب و فيها تعذيب
و فيها إعداد و ترتيب .....
في العالم و أفريقيا ودول عربية.......؟؟
و فيها مجهود و كلام و عقود
و نوادي و إتحادات و عهود
و جماهير علي الكل شهود
يتحرق أعصابها من حكام غبية....
حكام لا عندهم دم و لا دين
و لا يراعوا . قَسم أو يمين
بالعشا ....و شاي بالياسمين
عيال تصيع.. و الوقت يضيع
و معاها تبيع ..مجهود لاعبين
و مجالس إدارية و فنية ....
علي المزاج ...... ضربات الجزاء
و تسللات..... علي خيال الحذاء
و إنذارات وطرد..لاعبين و أعضاء
و العشاء ......محجوز ف المساء
و معاه شيكات أو نقدية.......
حكام من غير ضمير ترتشي
و من الجماهير تخاف ما تختشي
و بالرشاوي تميل و تنتشي
و قال إيه.... متعة الكورة
في الأخطاء التحكيمية......
يا حكام مليحي الصورة
كرهتونا في أم الكورة
هيا عيونكم في الملعب عورة ...؟؟؟
أمركم أصلاً شوري..
في لعبة جماعية و شعبية !!!!
إتقوا الله يا شلة حراااااامية......
الرياضة ... .. أصبحت صناعة
لا هيا فقط للتسلية و لا هيا مياعة
حكموا عقولكم ..... يا جماعة
بحكام نزيهة ..و خبرة دولية.......
د/عمر عبد الجواد عبد العزيز
ليست هناك تعليقات:
إرسال تعليق