يامصر ماتبكيش
يامصر ماتبكيش
الظُلم مش هايعيش
لسّه الأمل موجود
لسه مابينّا وعود
حلمك دا مالُه حدود
حِلمك مابينتهيش
يامصر ماتبكيش
ورّينا الضحكه تانى
رسمينك بالأمانى
والشعر والأغانى
عروسة يوم زفافها
والكل لمّا شافها
قال ذيّك مفيش
يامصر ماتبكيش
يادُرة الأوطان
بُكره تشُوفى الميدان
مليان شباب جدعان
وحاجات ماتتحكيش
يامصر ماتبكيش
ومِحنه وراها محنة
تعدّى عليكى واحنا
شايفين برضو غالية
واقفه مابتنحنيش
يامصر ماتبكيش
بُكره نْجيب اللّى خان
راكع مذلول جبان
والحكم فى الميدان
دا الظلم مايبنيش
يامصر ماتبكيش
دمعك غالى علينا
يا أغلى من عنينا
دى الدنيا بتبقى سودا
لمّا بتبقى حزينة
............
سيد عبدالوهاب
ليست هناك تعليقات:
إرسال تعليق