*******( قولي لي!!!)*******
بقلم..إبراهيم الشعار
بصراحة قولي لي..
في زيك بين البشر..
وألا أنت نازلة مالقمر
...
طب لو قربت منك مسموح لي
وألا هاحس بخطر...
طب عايشة عالأرض زينا
وألا زي الملايكة
عايشة فالسما..؟؟؟؟
أنت في حسنك وجمالك ملهمة...
قولي لي
إزاي أوصفك
وأنت بيعجز فيك الوصف
ماهو لو ليك مثيل
كنت أخد منه كلمة
أو أخد حرف حرف...
دا قمر الليل ونجومه
بيستنوا منك
نظرة عطف...
والشمس قبل شروقها
تستأذن منك
وخيوطها يقفوا عشانك صف...
والبستان بزهوره وأغصانه
لما تعدي عليهم
يتمنوا من إيديك القطف...
والنسمة إل تعدي تتنسم بعبيرك
أصل ناقصها عبير...
وفراشه يحوم حواليك
ويحط علي خدك
ويحلق ويطير...
أنا محتار في جمالك
محتاج لجمالك
قواميس في التفسير....
........
ليست هناك تعليقات:
إرسال تعليق