وبعد تفكير عميق وسهر لبعد طلوع الشمس ..قررت ..قررت اتحدى نفسى..قررت اتحدى ضعفى ..قررت اتحدى خوفى . وكان هذا اول تحدى .. تجامعت قوايا وذهبت الى ابى وقلت له انا مش هقدر اسيب شرف ..انا بحبو .. رنت كلمتى الاخيره صداها فى اركان البيت حيث لفتت انتباه ابى وامى لى قائلان فى دهشه بتحبيه؟ قلتلهم اه بحبو رد ابى لا يا امل انتى مبتحبهوش انتى اتعودتى انك تشوفيه كل يوم اتعودتى انك تسمعى صوتو فى التليفون هو الوحيد اللى بيسال عليكى هو الوحيد اللى بيجيلك هو الوحيد اللى بتتكلمى معاه انتى اتعلقتى بيه لاكن مش حب ..قلتلو لا يا بابا انا بحبو بمعنى الحب حبيتو من اول ماشوفته حبيبتو من قبل ماسمع صوتو حبيبتو من قبل ميجيلى حبيتو قبل متكلم معاه حبيتو قبل متعلق بيه انا حبيتو من اول نظره من اول ماعينى جت فى عينه انا كنت حسه انى هشوفو من قبل ماشوفو.. اقسم بالله ايها القارئ كنت حسه انى هشوفو من قبل ماشوفو ..عود معى ايها القارئ الى لقائنا الاول فى الشارع ..لقاء النظرات والاشارات هل تعلم ما حدث قبل هذا اليوم بثلاث ايام ..انها المفاجئه التى لم اذكرها لاحد ولم اذكرها فى بداية القصه وهى ان امى كانت تنوى النزول قبل ذالك اليوم بثلاث ايام وفى كل مره كنا نلبس ونستعد للخروج ثم يحدث شيئا يمنعنا من النزول من البيت فعندما تكرر ذالك ثلاث ايام متتاليه شعرت بان شيئا ما سيحدث فى اليوم الرابع وهو يوم اللقاء ..بينما كان هذا الشعور مستمرا بداخلى من بداية نزولى من البيت الى وصولى لذالك الشارع الذى تم فيه اللقاء بل كنت اشعر ان الله سبحانه وتعالى يراسلنى بكلماته العظيمه على زجاج العربيات وهى (اذكر الله _ لا اله الا الله ) وغيرها وكلما كنت ارى هذه الكلمات كنت اشعر ان هذه اشاره لى من الله بان الشئ الذى اشعر بحدوثه يقترب وبالفعل اخذت اشعر باقتراب ذالك الشئ المجهول حتى التقت عينى بعينه ودق قلبى دقته الاولى ..كل ده كان نفسى احكيه لبابا عشان اثبتلو انى كنت حسه انى هشوفو من قبل ماشوفو وانى لما شوفتو حسيت ان كان فى حاجه ضايعه منى ولقيتها لاكن بابا مكنش فاهمنى ولا كان حاسس بيا مكنش قادر يفهم ان الحكايه مش حكاية انى اتعودت عليه ولا اتعلقت بيه الحكايه اكبر بكتير ..الحكايه حكاية حب حقيقى من قلب نضيف اول مره يحب ويفرح اول مره يحس بالامان وبعد تشبثى وتمسكى بشرف وافق ابى على اتمام الخطوبه فى وقتها المحدد وقال انا هوافق على الخطوبه عشان اسيبك تجربى بنفسك انما الدخله هتتاجل لحد مقرر معادها بنفسى ..كنت اجلس مع نفسى واقول حتى وان طال الميعاد لن يلبسنى ذالك الخاتم غيرك ..لن امشى بجوار احد بذالك الفستان الابيض الا معك ..لن اسمح لاحد بان يقترب من انوثتى سواك ..لن انجب ذالك الطفل الا منك ..باختصار لن يشاركنى حياتى الا انت
شعر . حبى الاول والاخير
انت حبى الاول وانت حبى الاخير
انت اللى مافيش قبلك ولا بعدك بديل
انت اللى من غيرك بموت ومافيش بعدك حياه
انت اللى البعد عنك اكبر مستحيل
انت اللى دخلت قلبى من غير وقت ولا معاد
انت اللى خطفت روحى من غير مقدمات
خدتنى على خوانه وفجاه لقيتنى بحبك
اتغيرت حياتى واتشقلبت الساعات
فجاه لقيت نهارى ليل وليلى بقا نهار
فجاه لقيتنى بعيش فى ويل بعاد وانتظار
لقيتنى بعيش فى عالم تانى ودنيا غير الدنيا
فجاه لقيتك حبيبى من غير ميكونلى اختيار
عودت عينى على السهر وعودت عقلى على التفكير
بقت حياتى ملك ايدك وقلبى اصبح اسير
بقيت مصدر سعادتى وبقيت مصدر هنايا
بقيت بالنسبه ليا حبى الاول و الاخير
ليست هناك تعليقات:
إرسال تعليق