إنطقى يا شفايف. بقلم \ أحمد شاهين
أول ما عنييك تيجى فى عنييا
تهرب منى وتروح لبعيد
وحدك عندى بكل الدنيا
وانا من غيرك تايه ووحيد
وحاولت كتير إنى أقولك
ومفيش فايده
والقلب العاشق مشغول بك
والنار قايده
وتمللى أنا خايف. واعمل أيه
إنطقى يا شفايف . تسُكتى ليه؟
أول ما عنييك تيجى فى عنييا
قال أيه بيقولوا عليا جرئ
من كُتر ما شافوا معايا بنات
وان يوم قابلونى فى أى طريق
بهرب منهم . يحكوا حكايات
لكنى معاها أنا طفل برئ
واقعد مع نفسى أكتب جوابات
وتمللى أنا خايف واعمل أيه
إنطقى يا شفايف تسُكتى ليه؟
أول ما عنييك تيجى فى عنييا
أُدامها يا ناس معرفش أنا مين
وعنييها الحلوه بياخدونى
وتعدى عليا أيام وسنين
مش عاوز أرجع . خلونى
أه يا اجمل بحر ما بين شطيّن
أه يا ننى ودايب فى عيونى
وتمللى أنا خايف واعمل أيه
إنطقى يا شفايف . تسُكتى ليه
أول
ما
عنييك
تيجى
فى
عنييا
كلمات \ أحمد شاهين
5 \ 10 \ 2017
ليست هناك تعليقات:
إرسال تعليق