((سمرا.. ))
سمرا وع كتف الليل
بعدا عيونا سهراني
تتنقل من ميل لميل
وع الميلين تغني غناني
ويا ويلي منو هالليل
ع بوبو عيونك وداني
سمرا تمحي بالعينين
دمعة قلبي الحزناني
وتقللي يا شب منين
جايب هالحب الصبياني
ع تمي خدلك درسين
بركي شفافك كسلاني
سمرا عطرا غدار
عبا العشاق قناني
بأمرا احتار العطار
زهورو صارت دبلاني
شب بيرجع هالختيار
يرقص ويغني غناني
سمرا خدودا تفاح
طعمو سكر لبناني
تقللي القلب بيرتاح
لو دقتو من بستاني
دقت وما عدلي سلاح
دوق من الخد التاني
سمرا ثغرا مرسوم
قدرة خالق رباني
قالت منك معصوم
ومني وحدي برداني
ما بدي ع دوري تصوم
شفافي نار وشعلاني
أمير الغزل
الشاعر حسين ملحم
غزل المساء
4/10/2017
ليست هناك تعليقات:
إرسال تعليق