https://m.facebook.com/story.php?story_fbid=536677300009753&id=100010024632409
هحكي لكو المشهد
بالمظبوط
اب وام بدروا
البذرة
في ارض الموت
حصدوا دموع ووجع
مسموع
شاب وكان لشرطته
طوع
كان مستني
يوم يتخرج
يلبس كاب
ويعلق نسر
وكمان دبور
خطفه طريق الغدر
الجاحد
خد احلامه لموج البحر
وابداً تاني ماشاف النور
وادي عريس وعروسته
راحوا
في ليلة عمر
ومعاهم اتنين
في عز صباهم
عريس
في ليلة فرحه
كان مفروض
يحضن بعنيه
كل حبيب
كان له موجود
وسط الزفة
كان فرحان
وعروسته طايرة
كمان طيران
بعد مارسموا بكرة الجاي
بعد مافرحوا
بعد ماعاشوا
سنين يستنوا
لحظة يكونوا فيها لبعض
فجأة حياتهم
لونها اسود
وعش الزوجية
كان قبر حاضنهم في
جوف الارض
نزلوا لقاع البحر
بغلطة
كان المشهد حاجة
تبكي حجر الارض
يومها الكل كان متأثر
وبدانا في الحل نفكر
عملنا مناشدة
وجه اعلام
اتكلموا
قالوا احلي كلااااام
كلامهم كان ولافي
الاحلام
هوبا الدنيا هديت خالص
واللي مايهدي قلب الام
باقي مكلوب علي
حلم وراح
زرعة اتزرعت في ارض بور
اتحصدت م الدنيا الفانية
قبل ماتظهر يوم للنور
عدت ايام مليانة ظلام
وبدا عجل الدنيا يدور
والنسيان اوقات بيكون
اعظم نعمة في ابشع كون
فجاة صحينا علي موت ودموع
شاب وانقذ كل حبايبه
بس اختاره ربه يكون
شهيد في الجنة وجمبه
حكمة لرب الكون يعلمها
هو يموت وابنه
في نفس اللحظة
يكون مولود
تطلع لابنه شهادة ميلاده
وفي نفس اللحظة
تطلع له شهادة وفاته
كان هو شهيد لطريق
الموت
نفس الثورة ونفس الهيصة
ايام وليالي ورجعت كوسة
وطريق الموت باقي وبيسوء
وغيرها حالات كتير بتروح
وصوتنا خلاص اصبح
منبوح
واخرها شاب في عمر الورد
يشهد له الكل
بالنشأة الصالحة
وانه كان بيأدي تملي
الفرض بفرض
فرح قلب اهله تملي
لما اتعلم
لما اتنور
لما شافوه بدر منور
كان ابن موت
سبحان من صور
وادي الدنيا انتفضت
حبة
وانا اراهنكم
ان الوضع هيرجع
يهدي
لافي نواب ولاحد
سامعنا
فين الوزرا
فينه رئيسنا
ولاعنيهم عشقت
دايماً
مشهد موتنا
طريقنا بيخطف
فرح حياتنا
وبيقتل فرحنا بولادنا
فينك ياحكومة
والله ماتسوي
العيب موش فيكي
العيب فينا احنا
احنا ادينا صوتنا للي
ابداً عمره ماكان يستاهله
واهو دلوقتي بنحصد
بدموعنا
فرعنته وكبره وتجاهله
ملعونة دنيتنا القاسية
ع الضعيف دايماً وتذله
لا طريق نافع ولا فيه
صحة
والتعليم اصبح بالعافية
نيلة وخيبة وحوسة
وكافية
اصحوا فوقوا
ارحموا ناس
علي طريق ملعون
بيروحوا ويموتوا
ربنا قال
انكو تتحاسبوا
علي موت قلوبكم وضمايركم
احنا رعية وانتوا
الراعي
وذنب ولادنا
بنشيلهولكم
كل كلامي اصبح
نكرة
مع احساسي بكرهي
لبكرة
رسالة من قلب ام
انفطر
وانتو قلوبكم حجر
رسالة من قلب اب
ضهره علي ابنه
اتقطم
رسالة من كل قلب
وكل عين دمعت
ونزفت جرح والم
شوفوا طريق الموت
حرام نفوق من تاني
علي شاب راح مننا
وخطفه طريق ملعون
اسمه طريق الموت
هناء محمود
ليست هناك تعليقات:
إرسال تعليق