رمضان بعراقنه غير
اجه رمضان
وكل الدنيه فرحانه
شمالج يا العراقية
ما تفرحين ويانه
خلي بظهرج سجاجين
وخلي تضحكين وأنت مخنوكَة
وخلي كاعج بألدم غركَانه
جذبي علينه و أبتسمي
و كولي كولشي منريد
و شوفوني من جذبكم
البطن سمنانه
و تعيشون بفرح
يالما عدكم احساس
وحتى الخيمة علينه حزنانه
صيام العراقي
ينحسب صومين
صوم لله وصوم على بلوانه
رمضانك ياعراق غير
رمضانك شما اكلت
وشما أشربت
تبقى النفس للآمان عطشانه
عراق انت امي وانت بوي
وانت اختي وانت خوي
وانت البيت وجيرانه
افرح ولو حتى فرحتك حزن
وتدري بضحكتك بالدم مليانه
بلكي يجينه الفرج من ابعيد
مو بعيده عند ربك
يجينه العيد و بالخير تلكَانه
و إن شاء ربي
برمضان الجاي
الكل مجتمعين واليحبنه
يفرح ويانه
حسان الامين
ليست هناك تعليقات:
إرسال تعليق