،،،،،،،،(سوق عريان)،،،،،،،
الدنيا متلخبطه
واللي ورا قدام
والعقل من غير غطى
مع إنه م الخدام
كان المذاد له عطا
لم يرثي ع العريان
وعقول ومتنططه
وعقول ماليها بيان
مذادات ومتظبطه
ماتحف ع الغلبان
سكك ومتشخبطه
ومفيش عليها إنسان
الانسانيه إختفت
والسوق بقى عريان
أسعاره وإتستفت
والظلم كله ببان
مفتوحة ما اتنصصت
ولا ليها حتى بيان
شمس الربيع إختفت
والنيل كمان إتهان
وقمرنا يوم مااتلفت
جسد الغلابه بان
رجول بترمح حِفَتْ
وإزاز في كل مكان
مطرة لكن إنتشت
بالنشوى مالها ميزان
كل الحقوق إنتهت
والصبر بقى عنوان
وصيامنا طول السنه
ومفيش غني يتهان
كل الغلابه عمى
وياريته بالألوان
وإيدين كتير للسما
وصيام وبعده صيام
يتمنوا لحظة هنا
حلف الهنى مايبان
،،،،،،،،،(شعر)،،،،،،،،،،
عبد الله السايح
ليست هناك تعليقات:
إرسال تعليق